Shqipëri

PS vijon sërish akuzat ndaj ministres Bregu

Deputetja e Partisë Socialiste, Ermonela Felaj, ka vijuar dhe sot akuzat ndaj ministres së Integrimit, Majlinda Bregu, për përfshirjen e paligjshme të të afërmve të saj në koncesione të HEC-ëve.

E shtune 28 Gusht 2010 16:24

“Tani që edhe vetë ministrja e Integrimit, zonja Majlinda Bregu, e pranoi përfshirjen e kunatit të saj, vëllait të bashkëshortit, si aksionar në koncesionin për ndërtimin e një numri hidrocentralesh dëshirojmë t'i drejtojmë tri pyetje të reja Madame 15 përqindshes”, deklaroi Felaj në një konferencë për shtyp.

Sipas Feljat, në qendrën e regjistrimit të pasurive, kunati i Bregut rezulton një biznesmen diskosh që nuk ka lidhje me energjinë.

Një ditë më parë, ministrja Bregu duke reaguar ndaj akuzave nga PS, tha se kunati i saj, Hektor Ajazi, ushtron biznesin e tij të regjistruar në Regjistrin Tregtar si biznes VIP, prej vitit 2002, pra përpara se ajo të hynte në politikë në vitin 2005. /BalkanWeb/