Kuzhinë

Pule gordon blu

Lyejmë gjokset e pulave me pak kripë dhe me piper të zi, i mbushim me mustarde dhe me përzierjen e djathit dhe proshutës.

E mërkure 21 Dhjetor 2011 14:42

Përbërësit:

4 gjokse pulash

1 kupë me djathë kaçkavall të grirë

1/2 kupë proshutë të grirë

Kripë

Piper

4 lugë mustardë

2 vezë

2 lugë vaj

1/2 kupë miell

1/2 lugë kripë

Vaj

Përgatitja

Marrim gjokset e pulës dhe i rrahim lehtë, derisa të bëhen të buta. Në një enë përziejmë djathin kaçkavall me proshutën. Lyejmë gjokset e pulave me pak kripë dhe me piper të zi, i mbushim me mustarde dhe me përzierjen e djathit dhe proshutës. I mbyllim dhe bëjmë role. I kapim me shkopinj anët, që të mos dalë mbushja dhe pastaj i vendosim në frigorifer. Në një enë tjetër rrahim vezët me vajin. Përziejmë miellin me kripën, i lyejmë gjokset e pulës që sapo i kemi nxjerrë nga frigoriferi, i zhysnim në përzierjen e vajit dhe vezëve dhe i fusim përsëri në frigorifer. Ndërkohë, gradojmë furrën në 190 gradë. Marrim një tigan të thellë, skuqim copat e pulës derisa të piqen nga të gjitha anët. Heqim shkopinjtë dhe i vendosim në tepsi për t’i pjekur për 15-20 minuta. Serviret e ngrohtë. /recetakuzhine.net/