Kosovë

Reforma zgjedhore nuk e gjen unike as shoqërinë civile

E mërkure 8 Shkurt 2012 10:02

Partitë politike nuk janë të vetmet që nuk janë unike për sa u përket rekomandimeve për listat dhe zonat zgjedhore. Unitet për zonat nuk ka as shoqëria civile. Organizata të ndryshme joqeveritare kanë publikuar analiza me rekomandime të ndryshme për sa i përket reformës zgjedhore. Disa prej tyre kanë propozuar që Kosova të ndahet në shtatë zona zgjedhore, disa të tjera në 26. Dhe pikërisht ky mosunitet i shoqërisë civile vë në mëdyshje nëse partitë politike do t’i marrin seriozisht rekomandimet për listat dhe zonat, të cilat nga partitë janë vlerësuar si çështje politike për të cilat duhet të arrihet konsensus në mes tyre. Këtë mangësi të shoqërisë civile e pranon edhe përfaqësuesi i OJQ-së “Demokracia në Veprim”, Ismet Kryeziu. Ai nuk beson që rekomandimet e shoqërisë civile do të merren parasysh gjatë draftimit të amendamenteve për Ligjin për zgjedhjet e përgjithshme.