Rajon dhe Botë

Rusia e quan vendimin e Izraelit të papranueshëm

E enjte 11 Mars 2010 10:05

Rusia e quasjti të “papranueshëm” vendimi i qeverisë së Izraelit për t’i ndërtuar 1.600 shtëpi në territorin e pushtuar të Bregut Perëndimor.

Ministria e Jashtme tha se “veprimet janë në kundërshtim me bazat legale të pranuara ndërkombëtarisht për zgjidhje” në Lindjen e Mesme.

Kreu i Ligës Arabe, Amr Musa tha se presidenti i Autoritetit Palestinez, Mahmud Abas, e ka njoftuar se nuk do të hyjë në bisedime indirekte me Izraelin.

Më herët, nënpresidenti amerikan Xho Bajden, tha në Ramallah tha se plani për t’i zgjëruar vendbanimet i minon përpjekjet paqësore pasi palestinezët kanë rënë dakord për bisedime me ndërmjetësimin e SHBA-ve.

“Është detyrë e të dyja palëve të ndërtojnë atmosferë të mbështetjes për negociatat dhe mos i ndërlikojnë. Vendimi i Izraelit për ndërtimin e vendbanimeve në Jerusalemin Lindor e minon këtë besim, prandaj e dënova këtë veprim”, tha Bajden./rel/