Shëndetësi

Sa herë sëmuret një njeri gjatë gjithë jetës?

Sipas lajmit të dhënë në adresën Daily Mail në internet një studim i bërë në Mbretërinë e Bashkuar zbuloi se njeriu gjatë një viti mund të kalojë afërsisht 80 herë shqetësime të lehta si dhimbje koke, ngërçi, dhimbje kurrizi dhe ftohje.

E hëne 15 Shkurt 2010 10:25

Sipas tij, ne përdorim ilaçe qetësuese për dhimbje 21 ditë në vit. Nëse mesataren e jetëgjatësisë e llogarisim 78,5, atëherë numri i ditëve që përdorim ilaçe qetësuese është 1649.

Në studimin e bërë mbi 3000 të rritur ankesat më të theksuara janë ngërçet e përsëritura. Ngërçet shfaqen 19 ditë në vit tek një njeri dhe gjatë gjithë jetës llogaritet të shfaqen 1492 herë.

Dhimbja e kokës mund të shfaqet të paktën 16 herë në vit dhe gjatë gjithë jetës mendohet të jetë 1265 herë. Sipas studimit, një britanik gjatë një viti kalon 14 herë dhimbje kurrizi ndërsa gjatë jetës 1099 herë.

Duke theksuar se megjithëse këta sëmundje nënvlerësohen nga ana e popullsisë mund të jenë dërrmuese dhe të lodhshme, drejtuesi i kompanisë që bëri të mundur studimin pohoi se studimi nuk përfshin sëmundjet serioze.

Shqetësimet e tjera të lehta që kalojmë gjatë jetës sonë janë shkëputja muskulare, dhimbje qafe, dhimbjet e stomakut dhe barkut, ndrydhje e kyçeve, etj.

Pergatiti: Aisa Kaduku Kokiçi