Teknologji

Samsung shfaq tabletin Galaxy

Gjatë ditës së sotme në Twitter, Samsung ka paraqitur një imazh të një tableti të fuqizuar me Android, i cili do të quhet Samsung Galaxy Tab.

E premte 4 Qershor 2010 17:04

Sipas raporteve të para tableti Samsung Galaxy Tab do të veçohet me një ekran të madh 7 inç të ndjeshëm në prekje, dhe do të punojë në kuadër të sistemit operativ Google Android, por në anën tjetër do të veçohet me një ndërfaqe të veçantë TouchWIz.

Sipas pamjeve duket se bëhet fjalë për një ekran AMOLED edhe ka gjasa të ketë të montuar një kamerë frontale, por për sa i përket detajeve tjera, asgjë më shumë nuk është bërë e ditur.

Ajo që na mbetet të thuhet është se Twitter është një vend i çuditshëm për të prezantuar një produkt të ri pa treguar asnjë detaj, por neve na mbetet që të përcjellim gjërat dhe t’ju njoftojmë me kohë./pcworld/