Thaçi vizitë në Tiranë, takohet me kryeministrin Berisha

E premte 1 Mars 2013 11:03

 

Kryeministri i Kosovës Hashim Thaçi do të vizitojë sot Tiranën.

Në orën 11:00 kryeministri kosovar do të pritet nga homologu i tij shqiptar Sali Berisha në kryeministri dhe në orën 11:45 të dy kryeministrat do të dalin në një konferencë të përbashkët për shtyp.

Disa nga temat që pritet të diskutohen nga dy kryeministrat janë zhvillimet aktuale politike në Kosovë, forcimi i marrëdhënieve mes dy vendeve, përmbushja e plotë e axhendës evropiane nga ana e Kosovës dhe Shqipërisë dhe tema të tjera me interes të përbashkët.

Qeveria shqiptare është shprehur më herët se mbështet qeverinë e Kosovës në dialogun që po zhvillon me Serbinë si dy shtete të pavarura. (INA)