Shqipëri

Topalli: Axhenda e Kuvendit në funksion të integrimit

Kryetarja e Kuvendit, Jozefina Topalli, gjatë fjalës së hapjes së sesionit të ri parlamentar, u shpreh se axhenda e Kuvendit do të jetë në funksion të integrimit evropian të vendit.

E hëne 6 Shtator 2010 17:14

"Bashkë, ne një vit ne kemi ecur mes sfidave dhe kemi marre vendime te rëndësishme. Edhe në sesionin e trete të kësaj legjislature, ne do të vazhdojmë te përballemi me sfida të reja, do vazhdojmë të diskutojmë e votojmë për ligje e reforma që do shënojnë kapituj të rinj të zhvillimit të vendit, ne do vazhdojmë marrim vendime te drejta në interes të vendit dhe të shqiptarëve", tha zonja Topalli.

Ajo foli edhe për rolin e deputetit, duke e vlerësuar si një privilegj të jesh pjesë e Parlamentit. "Në këtë platformë të institucionit më të lartë të vendit, çdo deputet me fjalën, punën e votën e tij, mund e duhet të bëhet pjesë e vendimeve të tjera historike për vendin e kombin", u shpreh ajo.

Topalli e vlerësoi ambicioze axhendën e parlamentit në sesionin e ri, që sipas saj "do jetë në funksion të një jete edhe me mire të shqiptarëve, të integrimit europian, në respekt të Kushtetutës së vendit, shtetit ligjor, parimeve të kushtetutshmërisë botërore e vlerave të demokracisë në të cilat të gjithë besojmë".