Rajon dhe Botë

Vëllai i Papës kërkon falje

E mërkure 10 Mars 2010 12:54

U ka kërkuar falje fëmijëve në korin e Ratisbones, vëllai i Papa Benediktit XVI, Georg Ratzinger.

Reagimi i tij ka ardhur pas skandalit të abuzimit seksual në brendësi të vetë korit.

Këto deklarata Ratzinger, drejtori i korit nga viti 1964 ne 1994, i ka bërë në një intervistë për mediet lokale.

Skandali i ri i seksit doli në sipërfaqe vetëm disa javë pasi që papa Benedikti XVI publikisht i kritikoi peshkopët irlandezë se nuk kishin reaguar menjëherë në rastet e abuzimit me fëmijë në këtë vend, duke thënë me këtë rast se ky është një krim i neveritshëm. Ai gjithashtu porosit të gjithë priftërinjtë të përballen me të gjitha akuzat për abuzim dhe të ndeshen me to me ndershmëri dhe kurajë.

Por, siç shkruan, Indepedent, Vatikani i kthen shpinën akuzave të reja, dhe Papa nuk ka dhënë deklaratë për këtë rast.