Shqipëri

Vlorë, 1 person grabit supermaketin, terrorizon me kallash banorët

E hëne 6 Shkurt 2012 11:03

VLORË-Terror në qytetin bregdetar të Vlorës. Një person i maskuar dhe me armë zjarri të tipit kallashnikov, nën kërcënimin e armës, ka hyrë në një supermaket në qytetin e Vlorës, ku pasi ka qëlluar me pjesën e pasme menaxherin e supermaketit, është larguar me shpejtësi nga vendngjarja.

Burime nga Vlora bëjnë me dije se grabitësi është larguar me një shumë rreth 6 milionë lekësh në zonën e Skelës, ndërkohë që policia është vënë menjëherë në ndjekje.

Policia ka rrethuar pallatin ne zonën e Skelës, ku personi i armatosur është fshehur pas grabitjes dhe po ushtron terror me armë.

Sipas policisë dyshohet se personi i armatosur ka pasur një konflikt në atë zonë, ndërkohë që ende po punohet për zbardhjen e ngjarjes dhe kërkesave të tij.