Shqipëri

Withers: Ina Rama është ndeshur me presione

Ambasadori i Shteteve të Bashkuara të Amerikës në Tiranë, John Withers i ka dalë në mbrojtje sot Prokurores së Përgjithshme, Ina Rama, duke theksuar se kjo prokurori ka hasur presione të vazhdueshme nga të dyja anët e politikës.

E hëne 8 Mars 2010 10:11

Deklaratat e Withers u bënë gjatë një takimi në Prokurorinë e Tiranës, ku ishte e pranishme edhe kryeprokurorja Ina Rama.

“Kryeprokurorja ka bërë punë me përkushtim. Por duhet ta themi se ajo është ndeshur me presione të ndryshme si dhe nga dy krahët e politikës”, tha Withers, duke shtuar se “puna e prokurores nuk është e lehtë në asnjë vend”.

“Lufta ndaj korrupsionit është e vështirë. Pas korrupsionit qëndrojnë paratë dhe kriminelët”, tha më tej ai./start/