Sport

Zyrtare: Newcastle transferon Ben Arfa

Newcastle United ka konfirmuar se përfundimisht ka arritur të transferojë në formë huazimi mesfushorin e Marseille, Hatem Ben Arfa.

E shtune 28 Gusht 2010 16:22

Pas disa javëve plot spekulime, 23 vjeçari kompletoi kalimin si huazim në Ligën Premier, me opsion tranferimin permanent. Ben Arfa do të bart fanellën me numër 37.

“Gjithnjë ishte zgjedhja ime e parë të vija këtu dhe jam i ngazëllyer që jam këtu. Unë vërtet jam përqëndruar në historinë e klubit dhe lojtarët e mëdhenj që kanë luajtur për të, por ndoshta edhe për shkak të tifozëve, të cilëve dua t’u tregoj aftësitë e mia”.

“Gjithë ajo që po pres është që të tregoj se çfarë mund të bëj përballë publikut këtu në Newcastle. Shumë miq të mi në Francë tashmë e dinë reputacionin e tifozëve. Stadiumi zotëron ambient unik dhe unë ndjehem me fat që e kam këtë mundësi”, u shpreh Ben Arfa për faqen e klubit anglez. /Telegrafi/