Hempheri i shekullit

Fillimisht, kërkoj ndjesë nga lexuesit se nuk do të përqendrohem vetëm në një pikë, nga fakti se janë disa ndodhi të cilat nuk mund të anashkalohen. Përderisa fillova të hedhë në letër këtë brengë, brengë e cila me vite në organizmin tim kishte bërë fatkeqësisht rezervuarin e vet. Mendoja, vallë do të ketë ndonjë efekt ky shkrim sado i vogël që është, apo ndoshta vetëm do të zbrazej rezervuari im. Megjithatë, edhe pas zbrazjes së rezervuarit tim, jam më se i sigurt se, hapësira do të mbetej prapë. Gjeneza e krijimit të kësaj hapësire u paraqit, atëherë kur politikanët tanë u merrnin vesh për t’u mos marrë vesh mes veti, por fatmirësisht kur këta ishin përballë politikanëve maqedonas u merrnin vesh edhe shumë më lehtë, nga fakti se këta tanët në fjalorin e tyre përballë politikanëve maqedonas, asnjëherë nuk gjetën dy shkronjat e arta "JO". Politikanët tanë i përgëzoj dhe u dëshiroj suksese për gjetjen e shkaktarit të ngecjes së prosperitetit në fushën: sociale, ekonomike, politike e të ngjashme të kombit tonë. Mendoj se tentimi i tyre është shumë në rregull, por shkaktari investigohet në adresë ekstraordinare të gabuar. Jam një banor i komunës së Likovës, komunë kjo e cila ishte shumë e përshtatur për të zhvilluar luftën e 2001, pas kësaj date kjo komunë u fut në histori, dhe u eliminua nga gjeografia. Po, po zonë e krizës na ishte kjo komunë, por edhe Kriva Pallanka paska qenë zonë e krizës! Vallë asnjë qeveritar i "yni" nuk u interesua për matematikën e dokumenteve të udhëtimit, ç’po ndodhë kështu? Porositësit e këtyre dokumenteve, ose tregojnë patriotizëm sllavë, patriotizëm ky i fundosur së bashku me teorinë e Darvinit, (sa i përket prejardhjes së njeriut), ose fatkeqësisht këta porositës kanë probleme me matematikë. Pse asnjë qeveritar, e kemi fjalën për "tanët" nuk pyet kryeministrin e tyre, lidhje me lehtësimin e regjistrimeve të veturave të huaja, sikur të kishte vetura me targa të huaja nga Maqedonia perëndimore, po me aq numër siç ndodhë në atë lindore afro 30.000 të tillë, a thua do të sjellke ligjin për lehtësim të importimit të veturave!? A thua politikanët tanë nuk po e shohin kryqin grandioz në Vodno, apo e shohin por nuk i pengon në syrin e tyre ekonomik, ku përpos pamjes ata nuk kanë informata se harxhimi i rrymës elektrike paguhet nga buxheti republikan, buxhet ky i cili mbushet vetëm nga sllavët, e kinse jo edhe nga shqiptarët. Kjo më së miri tregon se ky shtet është sekular. Apo ministrat tanë nga tymosja e “gospodin”, “gospodin”-ave, u është paraqitur ndonjë barrierë në irisat e tyre, ku kohëve të fundit nuk vihet asnjë gur themel pa prezencën e tymosjes të këtyre "gospodin"-ave. Përderisa këta të tanët në qeveri participojnë vetëm si shqiptarë e jo si mysliman, ndoshta ky është shkaku që nuk u pengon tymosja. Të zgjedhurit tanë regjional janë aq kursyes të arkës shtetërore, sa asnjë qindarkë nuk kërkojnë të investohet në komunën e Likovës, komunë kjo e cila ishte e përshtatshme vetëm për të kërkuar të drejtat e gjithë shqiptarëve në tërë Maqedoninë. Sa për ilustrim fshati Zlletovë me infrastrukturë franceze, ia tejkalon komunës sonë. Sihariqi më i freskët Shkupi 2014, lus Zotin të mos ndodhë parashikimi i Nostradamusit, me qëllim që të realizohet ky projekt. Sa i përket sllavëve u lumtë. Kudo që sillemi shohim vetëm ikona, kryqe, kisha etj, po, po ky është sekularizëm! Draft projekti i këtillë më përkujton Faraonin me piramidat e tij. Por, fatmirësisht kryeministri ynë për dallim nga Faraoni, kundërshtarët e këtij projekti nuk i hedh të gjallë në pusin e piramidave. Këtu nuk është problemi se nuk ekziston pusi, por nuk ka kundërshtarë. Tani sa i përket këtij problemi, polemizojnë me BFI-në, duke harruar jo rastësisht se burimi nuk është vetëm aty, fundja fundit ç’faktor është BFI-ja në këtë çështje? Ju o dekor qeverie, mos harroni se edhe Causesku hante me lugë të argjendtë, por fundi i tij ishte jo i ëmbël. Ju o dekor qeverie hapni fletët e historisë dhe kujtoni rastin e Pragës, rast ky i cili kishte ndodhur në v.1412. Ju o dekor qeverie, vallë a e pyetni veten tuaj ndonjëherë se ç’është ky zë që ju vjen nga thellësia e brendisë suaj, apo ndoshta e keni të shuar fare?

•  
•