K. Myftari, kryeplaku i çmendur i mëhallës së të çmendurve (II)

Këtë, K. M. nuk e ka, fatkeqësisht, ngase laboratorët, prej ku del ai, janë të mbushura me urrejtje dhe frymëzohen në frymën e Dragan Pavlloviç- Llatasit dhe kuzhinave serbo- greke. Përgjigjet K. M . do t`i ja jap me radhë duke filluar nga e para.

Si pikë e parë K.M. potencon që unë e paskam shkruar reagimin tim ndaj tij ne gazetën e ashtuquajtur islamike “Mesazhi”, e në fakt ajo nuk është gazetë, po web-portal edukativo-arsimor, shkencor, apo për ta pasur K.M më të qartë ajo nuk është islamike, po është islame. Të njëjtin reagim e kam botuar nëpër shumë web faqe të tjera me karakter kryesisht kombëtar.

Sa për shpifjet dhe njollosjet që i bën ndaj meje duke më atribuuar gjithë ta arriturat e mija, falë Veton Latifit, unë krijesës monstruoze K.M, i sqarova njëherë, e do i sqaroj përsëri se personin në fjalë nuk e kam asgjë. Me shpifjet e tija, K.M nuk e di se kënd e nderon, mua apo Veton Latifin, ngase me këtë ai arriti që të na bashkojë mua me Vetonin, edhe pse rrugët tona me Vetonin janë shumë të ndara dhe nuk puqen pothuajse askund. Ai i takon një filozofie krejtësisht tjetër, ndërsa unë një tjetrës. E respektoj si kolegë dhe asgjë më shumë. Nuk e kam familjarë, andaj atij Ciceronit spiun i them që të përmirësohet në gënjeshtra, fundja le të gënjejë për toke. Veton Latifin e kam njohur shumë vonë, pikërisht këto dy vitet e fundit, andaj nuk ka pasur kurrfarë mundësie që t`a kem atë si mentor. Mentor i im është rruga e vërtetë e besimit në një Zot dhe kaq sa i përket Vetonit dhe shpifjeve ndaj tij dhe meje.

Mandej e dinë e gjithë Kumanova se as nuk njihem dhe as nuk flas me Bajrush Sejdiun, e as që dua ta njoh. Unë e kam pasur dajë Nexhmedin Hysenin- Neçkon, i vrarë nga UDB-ja serbe në vitin 1988, aty ku shërben tash K.M.

E sa i përket Dorëz zë Zezë, ta them oj krijesë me emrin K.M se Dorë e Zezë je ti dhe bashkëpunëtorët e tu, si dhe ca web portale që promovojnë Shën Bartolomeun, duke kërkuar ndërrim të fesë tek shumica myslimane, duke promovuar urrejtje ndaj Islamit dhe ndaj shumicës shqiptare. Ndërsa, sa i përket Dorës së ashtuquajtur të Gjelbër, unë jam i bindur se kjo është tezë e Llatasit, shërbimeve serbe dhe greke, të cilët të mpirë nga realiteti që jemi miq me SHBA-të dhe Evropën, dëshirojnë të na paraqesin si gjoja fundamentalistë dhe ekstremistë fetarë, gjë që nuk pinë ujë. Pra, kjo është tezë e sajuar kryesisht nga sllavët, grekët dhe soji i K.M. Unë jam kundër Dorëz së Zezë serbe, dorës së ndytë dhe të fëlliqur të K.M dhe web portaleve ku ai shfaq mendime dhe opinione të errëta, e që fatmirësisht nuk janë të shumta po janë në raritet.

Nga terminologjia tejet laike dhe injorante e K.M, fare lehtë mund të konkludohet varfëria e tij intelektuale, ngase ai nuk e kupton nocionin mysliman, një nocion shumë elementar. Mysliman është ai person që deklaron maksimën e njohur (shehadetin), ndërsa pastaj varet prej tij se sa do të praktikojë kushtet e tjera të Islamit. Varësisht prej asaj se sa ai praktikon kushte tjera, ai nëse e thotë çelësin e Islamit (shehadetin) është mysliman. Në përgjithësi, duhet të kihet parasysh se nuk ka rregulla strikte që një popull i caktuar duhet të ketë një fe të caktuar dhe pikë. Feja është zgjedhje e lirë, vullnetare pa imponime. Ajo nuk dhurohet me zor, ajo pranohet me bindje dhe dëshirë, po jo me bindje të sojit alla K.M.

Më tutje, K.M në paloreagimin e tij, merret me sqarime në lidhje me Perandorinë Osmane dhe rolin e saj, dhe vihet në rolin e historianit, por unë habitem se si qe e mundur që pas pesë shekujve sundim osman, populli shqiptar edhe më tutje flet shqip, po edhe ne që po polemizojmë jemi duke e bërë këtë në shqip. Në asnjë shkrim dhe reagim timin unë nuk mbroj Perandorinë Osmane, po mbroj shqiptarët nga dokrrat dhe derrat e llojit K.M. Po këtë bëhet se nuk e kupton K.M. me “aftësitë” e tij sajuese të tipit të Llatasit serb. K.M. trumbeton se shqiptarët paskan Islam arabo- turk, e në fakt Islam të tillë nuk ka. Islami është Islam gjithkund, ashtu sikur edhe Krishterimi, Protestantizmi, ....... dhe asgjëizmi i K.M. E sa për sqarim, Islami dallon në esencë prej Krishterimit, Judaizmit, Budizmit, ngase Krishterimi buron nga emri i Krishtit, Judaizmi prej Judës, e Budizmi prej Budës, ndërsa Islami nuk ka protagonist njeri, që do të identifikohej me të, por ka prejardhje të pastër qiellore, si dhe Islami ndër shqiptarët nuk identifikohet me arabët, turqit apo me ndonjë popull tjetër.

Më tutje K.M, shpif duke aluduar në ndërtimin e xhamive, se gjoja ndërtimin e tyre po e financuakan Vehabitë. Po si more po ua atribuon këtë të mirë atyre, kur dihet mirëfilli se xhamitë janë të ndërtuat nga dora shqiptare, nga djersët e mërgimtarëve tanë, e shqiptarët nuk kanë kurrfarë lidhje me Vehabitë, ata janë miq tu dhe të agjenturave të tua serbo greke, miq të Llatasit, që çdo herë që i duhen ai, pra Llatasi, i merr nëpër gojë, ashtu siç masturbon edhe ti dhe soji yt, duke tentuar që nëpërmjet kësaj të përbaltni shumicën shqiptare. Më tej, sa i përket thirrjeve pesë herë në ditë (lexo: ezanit), kjo fillimisht është një edukatë, disiplinë dhe rregull, ku njerëzve të këtij besimi i lëshohet kushtrimi për lutje ndaj Zotit, ashtu siç bien kambanat për të krishterët, që zhurmat e tyre nuk janë në gjuhën shqipe, po ja që mua dhe shumicës shqiptare nuk i pengon, ngase ne i llogarisim si pasuri të gjitha, po soji yt fanatik ferdinandesk jo. Ezani, o K.M. është në gjuhën burimore, ashtu siç i themi kompjuterit në gjuhën burimore, ashtu siç janë barërat në gjuhën burimore latine...... Edhe ezani është në gjuhën burimore, ngase po të thirrej në të gjitha gjuhët, e në botë janë diku rreth 2496 gjuhë ortoepike dhe 350 gjuhë ortografike, feja do të humbiste kuptimin e saj të vërtetë. Kushtrimi i K.M në rrënim të “fortesave arabe” nuk bën asgjë tjetër, përpos që nënçmon shqiptarët shumicë, cenon diversitetin fetar, promovon Shën Bartolomeun dhe asgjë më shumë, e kjo do të kishte efektin domino, me ç`rast shqiptarët do të bëheshin sikurse francezët në vitin e hershëm 1572. Kjo është bazamenti i idesë shënbartolomeiste të K.M. Rrënim të tempujve fetarë nuk do të ketë, o K. M. Këtë ta dish mirë, po është shumë e sigurt, se ti dhe soji yt do të rrënoheni dhe do të shkruheni vetëm në letrat e toaleteve.

Nuk e kuptoj se për çfarë arsye kërkohet deislamizimi i shqiptarëve, si kusht për tu larguar Janullatosi, kur dihet se po ky Islam ndër shqiptarët, mbrojti janullatosizimin e shqiptarëve, sinonim i myftarizimit alla K.M.

Më tej, o K. M emri im është Ardian, unë mund të jem Gardian i kombit tim dhe dinjitetit tim, ndaj ofendimeve dhe pëllitjeve të tua dhe të sojit tënd, jam Gardian edhe i fesë sime dhe nuk do të lejojë që ti ta njollosësh, edhe pse një gjë të tillë, ti nuk e ke të mundur ta bësh, ngase kundër qelizave të tua spiunore do të ngrihej e tërë shqiptaria me besim islam, po edhe vëllezërit tanë të përkatësive të tjera fetare, që janë të ndershëm dhe jetojnë së bashku duke e dashur këtë mozaik me diversitet fetar. Ndërsa, në lidhje me mbiemrin tim Ramadani, ai ka kuptimin e muajit të shenjtë të agjërimit, për të cilin ti mëton se është kanibalizëm, respektivisht muaji që profeti Muhamed,e paska bërë për të ndalur kanibalizmin. Për këtë e ke përgjigjen e duhur në reagimin e z. Iljasa Salihut, me titull “ Myftaraj, ky kanibal barngrënës”.

•  
•