Kur studenti operon zemrën - Mbytë pacientin

Studentët nuk mirren me çështje të mëdha. Nuk bënë.

Psh. me operimin e zemrës. Apo me operimin e trurit.

Nuk mirren as të posa diplomuarit. As ata me shumë përvojë, por me dituri jo të plotë.

I drejtojnë pacientët jashtë vendit. Te kompetentët për këtë çështje.

Njejtë është edhe  për çështje fetare.

Xhemati nuk bënë të mirret me çështje të mëdha.

As studentët. As të posa diplomuarit.

As që janë të gjitha temat për xhematet.

(Pse mirret xhemati me çdo çështje është temë në vete).

Nëse studentët e mjekësisë operojnë zemrën, do t’a mbysin pacientin.

Do të krijojnë imazh negativ për Medicinën.

Do të krijojnë huti tek popullata.

Do të frikësojnë popullatën.

Do të  krijojnë përçarje tek studentët, tek kolegët, në mes profesorëve etj. etj.

E nëse ndonjë mësues i nxitë në këto veprime, studentët do të jenë viktimë e tyre.

Ose viktimë e hileqarëve. Që do t’i konvenonte armiqëve.

Mësuesit të cilët i mësojnë studentët të operojnë zemrat, vetë do të jenë viktimë e dikujt tjetër, apo e mendjes së tyre të vogël, apo e lakmisë së tyre të madhe.

E si bënë që të rinjtë të miren me çështje të mëdha?!

Mendja e vogël, ambicia e madhe. Apo plani i dikujt. Apo edhe njëra edhe tjetra.

Ata që duhet tërhequr vërejtjen , nuk janë. Apo janë tërhequr.

Kështu është edhe me çështjet fetare.

Sa tema po diskutohen, që po bëjnë shumë dëme, e që nuk janë çështje të studentëve të fesë.

As të studentëve të lëmive tjera. Të jo studentëve jo se jo.

As të posa diplomuarëve.

As të pa përvojëve. As të atyre me dituri jo të plotë.

Disa çështje janë vetëm për ekspertë. Për ata ekspertë që shumica dërmuese e dijetarëve i njohin për ekspetë.

Kuptohet jashtë vendit. Atje ku duhet. Jo ku nuk duhet.

Meqë të gjitha mësimet nga jashtë nuk janë të dobishme.

Se e mbysin pacientin.

E mbysin xhematin.

Krijojnë imazh negativ për fenë.

Nxisin urrejtje. Krijojnë huti.

Krijojnë përçarje në mes xhematit. Në mes xhemateve. Në mes  xhematit dhe Hoxhallarëve. Në mes Hoxhallarëve. Në mes familjes. Në mes xhematit dhe popullatës. Në mes të diplomuarëve. Në mes studentëve.

Zgjojnë urrejtje.

Kuptohet që iu konvenon armiqëve dhe planeve të tyre.

Bëhen viktima. Viktima të planifikuara.

Bëhen shkaktarë për të mbyllur zemrat e atyre që janë jashtë katër mureve të Xhamisë.

Ndërsa atyre që janë brenda katër mureve iu ngurtësojnë zemrat.

Studentët dhe të tjerët duhet të mësojnë. Të arsimohen vazhdimisht dhe të presin kohën kur dijetarët kompetent iu japin leje që të flasin për të gjitha çështjet.

Të kuptojnë mirë realitetin. Ambientin e brendshëm dhe ambientin e jashtëm.

Të bëhen të dashur, të butë. Të edukuar.

Të bashkuar. Një grup. Të gjithë.

Është plan i armiqëve

Formimi i së paku dy grupeve.

Të mirren me vehten në vend se të mirremi me 95% të popullatës.

Të mirren me cikërrima, në vend  se me hulumtime të thella.

Të mirren me çështje të padobishme, në vend se me çështje  të dobishme.

Të mirren me çështje formale duke i lënë esencialet.

Të mirren me çështje të parëndësishme, në vend se me çështje të rëndësishme.

Të mirren me çështje që përçajnë në vend se të mirren me çështje që bashkojnë.

Të mirren me çështje të rëndësishme diletantët, në vend se të diturit.

Të mirren me çështje të rëndësishme por që shkaktojnë pasoja të dësmhme.

Në vend se të mirren me çështje të profesionit të tyre, të mirren me gjëra që nuk i përkasin profesioneve të tyre.

Të lansojnë një forcë të sëmurë që të pengojnë forcën e shëndoshë.

Të bëjnë të barabartë të diturin me xhahilin.

Të bëjnë të barabartë shembullorët me ngelaqat.

Të urrehen në vend se të duhen.

Të krijojnë imazh negativ, në vend se të krijojnë imazh pozitiv.

Të krijojnë huti, në vend të qartësisë.

Të zgjojnë urrejte, në vend se dashuri.

Të mbyllin zemrat.

Kujdes.

Është plan.

Po ne duhet të bëjmë të kundërtën e jo të biem në këto kurthe.

•  
•