Psikologjia e suksesit në jetë VI

1. Ligji i shkakut dhe pasojës:

A thua pse Zoti pasi e ka krijuar Njeriun dhe e donë më së shumti nga krijesat e Tij, e ka përgatitur sfida të pambarim!?

Kjo pyetje dëgjohet shpesh si nga njerëz naiv, të cilët janë të cekët në kuptimin e fenomeneve të kësaj bote, po ashtu edhe nga tjerë të cilët arsyetohen se kanë gjetur “ besimin” e tyre në ateizëm.

2. Qetësia në zemrën e besimtarit:

Në këtë kontest në shpirtin e njeriut besimtar dhe vigjilent vjen një shkëndijë e kuptimit dhe interpretimit relativ.

Kush ka qenë nxënës aktiv në nivelet shkollore, mund ta analizoj raportin e tij me  një Mësues të mirë.

Cili raport? Raporti i kushtëzimit relativ! Si? Ja si! A është e vërtet se kur Mësuesi e donë dhe e çmon nxënësin e tij e sfidon çdoherë , çdo herë kërkon të jetë aktiv gjatë orës së mësimit në klasë, me qëllim të ruaj suksesin e tij superlativ.

A thua përse Mësuesi i mundon nxënës?. Të jenë sa më vital dhe i suksesshëm në mësime apo?.

Kjo për nxënësin është e rëndë apo? Mirëpo fundi i vitit për të vjen i ëmbël dhe i gëzueshëm!Dhe ai kthehet në shtëpi krenar dhe fitimtar.

Për dallim prej atij apo atyre nxënësve të cilët gjatë tërë kohës kanë “qëndruar rehat”, ata kur vjen fundi i vitit kanë pikëllim ndërsa në shtëpitë e tyre kthehen të dëshpëruar.

A mund të tërheqim një paralele konceptuare mes raportit nxënës- mësues dhe relacionit robi- All-llahu i Lartëmadhëruar?.

Shohim se njeriun besimtar të mirë dhe të devotshëm, Zoti e sprovon “ në sitë e në shoshë” siç thotë populli! A thua si të kuptohet kjo filozofi e jetës?

Ngase e donë dhe kërkon të jetë i përkryer apo?. Ashtu siç thotë Muhamedi paqja dhe mëshira e Zotit të Lartësuar qoftë mbi të; “ Njeriu sprovohet derisa të ecë mbi sipërfaqen e tokës pa asnjë mëkat”. E a ka mundësi të arrihet kjo, pra të ecet pa asnjë mëkat, natyrisht se jo, andaj edhe sprovat janë pjesë e pandashme, në rrugëtimin jetësor të tij.

Me një rast tjetër kur u pyet Muhamedi paqja dhe mëshira e Zotit të Lartësuar qoftë mbi të, se cilët persona sprovohen më së shumti në jetë, ai iu përgjigj; “ Njerëzit të cilët sprovohen më së shumti janë Profetët, pastaj të ngjashmit me ta, pastaj të ngjashmit me ta (e kështu me radhë) varësisht nga shkalla e imanit-besimit është edhe niveli i sprovimit”.

Sigurisht kjo është e kuptueshme! Andaj nga njeriu i devotshëm All-llahu i Lartëmadhëruar kërkon të jetë çdoherë i gatshëm të përballoj sprovat ( mësimet-urtësitë) dhe leksionet të cilat i servohen gjatë jetës së tij, qoftë me dije apo pa dije paraprake të tij.

Prandaj myzhde o njeri i sprovuar, ngase je nderuar me epitetin e të dashurit të Zotit të Lartësuar nëse je prej atyre të cilët i kryejnë me dinjitet urdhrat e Tij, si dhe je i bindur në Madhështinë dhe Fuqinë e Tij.

Sihariq i madh do të jetë shpërblimi në këtë dhe botën tjetër.

“ E për durimtarët do të ketë shpërblim të pamasë” (Kuran)

•  
•