Psikologjia e suksesit në jetë VII

1. Intuita për solidaritetin:

Në kuadër të shumë projekteve jetësore të cilat e obligojnë njeriun është edhe përkatësia ndaj Institucionit të bamirësisë.

Ka dashur Zoti me Madhështinë e vet që të krijoj njeriun të nevojshëm për Krijuesin e Tij, të nevojshëm edhe për njëri tjetrin, pra me status  të bamirësit ose të pranuesit të bamirësisë. Asnjë njeri nuk mund të del jashtë këtyre suazave. Dhe askush  nuk është i privuar nga llogaria ndaj sajë ( bamirësisë), qoftë edhe me një buzëqeshje në fytyrë të njeriut ( Muhamedi paqja dhe mëshira e Zotit qoftë mbi të).

Besimtari i devotshëm i cili njeh Zotin e vet dhe pret shpërblime nga Ai nuk rrinë indiferent ndaj këtij institucioni relevant.

2. Solidariteti:

Kanë folur dhe shkruar shumë për bamirësinë, shkaqet që i shtyjnë njerëzit drejtë sajë janë të shumta, ndërsa efektet e manifestimit të janë universale. Njerëzit e suksesshëm në jetë janë solidar dhe bujar të mëdhenj.

Ata nisen nga premisa universale e Muhamedit paqja dhe mëshira e Zotit qoftë mbi të ku ndër të tjera thotë;“Nuk është prej nesh ai cili nuk interesohet për fatin tonë”. Apo edhe në rastin tjetër; “ Nuk është besimtar ai  cili vetë flinë i ngopur, ndërsa fqinji i tij është i uritur”. Si duket në këtë rast “ fqinji” nuk është precizuar, ai mund të jetë edhe i ndonjë konfesioni apo entiteti tjetër, pra solidariteti dhe bujaria islame merr përmasa edhe përtej afërsisë shoqërore  dhe religjioze.

Prej urtësive e cila më së shumti fletë lidhur me definicionin e bamirësisë është edhe ajo se, “ Të sjellësh gëzim në zemrën e njeriut” pra kjo është forma më sublime e eupatisë ( pranimin e vetvetes në personalitetin e tjetrit).

Gjatë jetës së tij çdo njeri sprovohet me dy format e manifestimit të sajë, ose me mundësin e kontribuuesit apo të pranuesit të bamirësisë. Njeriu tërë jetën ka nevojë për Krijuesin e Tij, si edhe për njerëzit tjerë t’i ndihmon dhe ta ndihmojnë sado i fuqishëm të jetë, madje edhe syri për syrin mbetet i nevojshëm.

Ashtu siç tregohet edhe në thëniet profetike ekzistojnë disa kushte të bamirësisë, qoftë si marrës apo dhënës i saj. E tërë kjo definohet në një thënie të Muhamedi paqja dhe mëshira e Zotit qoftë mbi të ku nder të tjera thotë“ të mos e sheh dora e majtë të djathtën”.

Ashtu siç thotë Muhamedi paqja dhe mëshira e Zotit qoftë mbi të me një rast tjetër; “ se nuk pakësohet pasuria me investim të hajrit”, andaj çdo gjë që vepron njeriu e ka për vete, nëse ndihmon njeriun për hir të Zotit e ndihmon Ai për hir të Madhështisë së Tij. 

Sido të jetë, investimi në bamirësi është investimi më i madh që mund ta përcjell njeriun në dynja dhe ahiret.

Andaj ashtu siç thotë Muhamedi paqja dhe mëshira e Zotit qoftë mbi të se; “Njeriun kur vdes e përcjellin tri gjëra, dy kthehen kurse njëra e shoqëron edhe në varr, dy të parat janë pasuria dhe familja e tij ndërsa ajo e cila e shoqëron më tutje  janë veprat e tij”.

Ndërsa në një thëne tjetër lidhur me bamirësinë dhe format e manifestimit të sajë Muhamedi paqja dhe mëshira e Zotit qoftë mbi të thotë;“ Njeriut kur vdes i ndërpritet llogaria e tij, përveç fëmijës i cili lutet për të veprës së shkruar dhe asaj vepre të ndërtuar në dobi të te tjerëve” 

Bamirësia nuk kufizohet vetëm në pasuri, ajo manifestohet në tërë fenomenet e jetës.

Dhe tërë ajo që bëhet në një formë apo tjetër bëhet për vetën tonë qoftë sot ose nesër, nëse bëhet me sinqeritet dhe qëllim të pastër.

“Bëje të mirën e hidhe në det, nëse nuk e din peshku e din Zoti i vet (Naim Frashri).

•  
•