Të paktën gjashtë persona kanë humbur jetën dhe 11 të tjerë kanë mbetur të plagosur pasi një makinë goditi një grup turistësh në veri të Italisë.
Ky incident ndodhi në Luttach, afër Bolzanos në rajonin Alto Adige, pas mesnatës, shkruan Euronews, transmeton Klan Kosova.
Turistët që besohet se janë gjermanë, ishin grumbulluar për të hipur në autobusin e tyre.
Sipas Sky TG24, një karabinier është dëgjuar duke thënë se shoferi kishte përmbajtje të lartë të alkoolit në gjak.
