Arrestohen dy policë në Tiranë, kryenin grabitje me dhunë në zonën e Liqenit Artificial

Muajt e fundit në komisariatin nr. 1 në Tiranë ishin rritur rastet e grabitjeve të celularëve apo sendeve me vlere në zonën e Liqenit Artificial, denoncuar nga qytetarë që dilnin për shëtitje.

Top Channel njofton se autorë të këtyre grabitjeve ishin dy policë.

Të dyshuarit u mbajtën nën vëzhgim për disa javë dhe mëngjesin e sotëm u vunë në pranga.

Si autor i këtyre ngjarjeve u arrestua polici i Patrullës së komisariatit nr1. S. C 23 vjeç dhe polici bashkiak S. M. 39 vjeç.

Për rastin është njoftuar dhe Agjencia e Mbikëqyrjes Policore e cila po kryen veprimet. /tch/