Sipas Asus, ZenBook 14 OLED (UX3405) do të dalë në shitje në fillim të 2024 për 1299 dollarë.
E enjtja ishte një ditë e madhe për debutimin e procesorëve të rinj Intel për laptopët Core Ultra dhe Asus nuk i mungoi festës me lançimin e produktit të ri ZenBook 14 OLED me procesorët “Meteor Lake.”
Një prej laptopëve më të vlerësuar vitin e kaluar, ZenBook 14 OLED (UX3405) vjen me një shasi plotësisht metalike, peshon 1.28 kilogram dhe është 5 përqind më kompakt.
Në zemër të tij është çipi Core Ultra 7-155H me mbështetje deri në 32GB RAM LPDDR5X-7467, grafika Intel Arc të integruara dhe 1TB PCIe 4.0 SSD.
Është dizajnuar për të përpunuar proceset AI dhe mbetet për tu parë sesi kjo pjesëz hardueri do të shfrytëzohet nga zhvilluesit.
Pavarësisht se ka një trashësi prej vetëm 14.9mm, Asus ka përfshirë në ZenBook 14 OLED dy porta Thunderbolt 4, një portë HDMI 2.1, një portë USB 3.2 Gen 1 (Type-A) dhe një portë audio.
Veçori të tjera janë uebkamerat 1080p “AiSense” me teknologjinë 3D të reduktimit të zhurmave, Asus NumberPad 2.0 në touchpad dhe altoparlantë Harman Kardon me mbështetje për Dobly Atmos.
Sipas Asus, ZenBook 14 OLED (UX3405) do të dalë në shitje në fillim të 2024 për 1299 dollarë.