Sot, në sallën e konferencave të Stacionit Policor “Qendra”, u mbajt me sukses Kuvendi i V-të Zgjedhor i Rregullt i Sindikatës së Policisë së Kosovës, në të cilin u zgjodhën organet e reja drejtuese të këtij mekanizmi të rëndësishëm sindikal.
Pas një procesi transparent dhe demokratik, me përkushtim ndaj të ardhmes së të drejtave të pjesëtarëve të Policisë së Kosovës, z. Avdi Hoti u zgjodh me shumicë votash si Kryetar i ri i Sindikatës së Policisë së Kosovës, ndërsa znj. Edita Azemi u zgjodh Nënkryetare.
