Presidenti turk, Recep Tayyip Erdoğan, u ka bërë thirrje kompanive italiane ta shohin Türkiyen si një portë hyrëse për në Azi, Lindje të Mesme, ashtu si kompanitë turke e shohin Italinë si një portë hyrëse për në Evropë, raporton Anadolu.
Gjatë një forumi biznesi në Romë, presidenti Erdoğan tha se ekonomia e Türkiyes vazhdon të rritet pavarësisht konfliktit dhe luftërave në rajon, si dhe tërmetit shkatërrues të vitit 2023.
“Ankaraja është e vendosur të zbatojë programin e saj ekonomik”, tha Erdoğan, duke shtuar se vendi është i përkushtuar si për përmirësimin e klimës së investimeve ashtu edhe për zbatimin e reformave strukturore.
