Presidenti turk, Recep Tayyip Erdoğan, ka deklaruar se Turqia nuk është më një vend ku kukullat mund të kryejnë grusht shtet ose të hartojnë politikën dhe ekonominë e vendit, raporton Anadolu.
“Turqia nuk është më një vend ku mund të kryhet grusht shtet, as të krijohet politika dhe ekonomia nga kukulla të cilëve mjafton t’u thuash ‘shkojmë fëmijë, është koha’ “, tha presidenti Erdoğan.
Presidenti turk foli në një tubim të mbajtur në qytetin turk Kahramanmaraș.
“Ne duam të çlirohemi nga prangat e terrorizmit që pengojnë vizionin e të ardhmes së Turqisë. Ngjarjet kritike në rajonin tonë dhe politika e brendshme e favorizojnë këtë”, tha Erdoğan.
Presidenti turk theksoi se është e qartë për të gjithë sot se Turqia nuk është terreni stërvitor i dikujt, një linjë tensioni apo një zonë për krijimin e destabilitetit.
