Turqia nuk mund të pranojë një propozim zgjerimi që do të minonte sigurinë e vetë NATO-s, deklaroi presidenti turk Recep Tayyip Erdogan, duke iu referuar dyshimeve sipas të cilave Suedia dhe Finlanda mbështesin terrorizmin.
”Zgjerimi i NATO-s do të varet nga respektimi i aleatëve për shqetësimet e sigurisë”, u tha Erdogan anëtarëve të partisë së tij në pushtet, në parlament.
Erdogan tha se Suedia kohët e fundit refuzoi kërkesën e Turqisë për ekstradimin e “30 terroristëve”.
”Terroristët nuk do të na i jepni, por do të kërkoni miratimin tonë për t’u bashkuar me NATO-n”, theksoi presidenti turk.
“NATO është një organizatë sigurie. Prandaj, ne nuk mund të themi ‘po’ për t’i hequr sigurinë kësaj organizate të sigurisë”, shtoi Erdogan. /atsh
AK Parti TBMM Grup Toplantısı https://t.co/NWFkpHH1Qj
— Recep Tayyip Erdoğan (@RTErdogan) May 18, 2022
