Liga e Kampionëve vazhdon të sigurojë futboll elitar dhe në secilin raund ka vendosur të zgjedhë formacionin me 11 lojtarët në pozitat e tyre që kanë bërë paraqitje më të mira.
Në raundin e dytë të garës më të madhe evropiane, Paris Saint-Germaini e mposhti Manchester Cityn në një duel të favoritëve, në të cilin Lionel Messi shënoi golin e parë me fanellën e klubit francez.
Juventusi e ka mposhtur kampionin në fuqi të kësaj gare, Chelsean, ndërsa Atletico Madridi triumfoi me përmbysje te Milani.
Liverpooli i është afruar kualifikimit në fazën e eliminimit direkt pas një triumfi dominues ndaj Portos, kurse Cristiano Ronaldo reagoi në minutat shtesë për t’ia siguruar fitoren Manchester Unitedit kundër Villarrealit.
(Foto: uefa.com)
Më poshtë është formacioni më i mirë i kësaj jave në Ligën e Kampionëve:
Portier
Giorgos Athanasiadis (Sheriff Tiraspol) – 8 pikë
Mbrojtës
Milan Skriniar (Inter) – 10 pikë
Yaroslav Rakits’kyy (Zenit St Petersburg) – 13 pikë
Douglas Santos (Zenit St Petersburg) – 10 pikë
Mesfushorë
Mohamed Salah (Liverpool) – 16 pikë
Federico Chiesa (Juventus) – 11 pikë
Idrissa Gueye (Paris Saint Germain) – 13 pikë
Hans Vanaken (Club Brugge) – 14 pikë
Leroy Sane (Bayern Munich) – 16 pikë
Sulmues
Karim Adeyemi (Salzburg) – 15 pikë
Darwin Nunez (Benfica) – 13 pikë
