Policia në Francë u është përgjigjur me gaz lotsjellës nënave që protestonin kundër detyrimit të maskës për nxënësit e shkollave fillore, transmeton Anadolu Agency (AA).
Dje në Paris demonstruesit që përbëhej vetëm nga gratë që e quanin veten “Nënat Ujqër” u mblodhën pranë Pallatit Elysee për të protestuar ndaj masave të pandemisë së COVID-19, përfshirë detyrimin për të mbajtur maska të vendosura ndaj nxënësve.
Grupi i grave, përfshirë deputeten Martine Wonner, e cila u përjashtua nga partia në pushtet Marshi Republikan (LREM), u përball me ndërhyrjen e policisë kur marshuan para Pallatit Elysee për t’u takuar me presidentin Emmanuel Macron.
Policia iu përgjigj me gaz lotsjellës demonstruesve.
Në përleshjen që pasoi, disa demonstrues ranë përtokë dhe turma brohoriti “Turpërohuni prej vetes”.
Pasi numri i rasteve të COVID-19 u rrit me 20 për qind javën e fundit në Francë, qeveria më 3 nëntor vendosi që nxënësit e shkollave fillore të mbajnë maska në 39 rajone. /aa
