Mesatarisht, më shumë se 100 migrantë të paligjshëm mbërrijnë në Gjermani çdo ditë pasi kalojnë Poloninë përmes Bjellorusisë, deklaroi policia federale gjermane.
”Që nga fillimi i muajit, janë regjistruar gjithsej 1 488 hyrje të paligjshme përgjatë kufirit me Poloninë”, deklaruan autoritetet gjermane.
Kalimet janë rritur në mënyrë dramatike që nga vera, me shumicën e emigrantëve që vijnë nga Iraku, me një numër të konsiderueshëm edhe nga Siria dhe Afganistani.
Bashkimi Evropian ka akuzuar liderin bjellorus Alexander Lukashenko se ka nxitur qëllimisht fluksin e migrantëve.
Duke iu drejtuar parlamentit gjerman në Berlin, ministri i Jashtëm Heiko Maas siguroi Poloninë për solidaritetin e Evropës në këtë krizë migratore. /atsh
