Grupet izraelite publikojnë video tronditëse të gjeneruar nga AI që tregon shkatërrimin e xhamisë Al-Aqsa dhe ndërtimin e një tempulli hebre në vendin e saj
Një video e gjeneruar nga inteligjenca artificiale, e publikuar së fundmi nga disa grupe izraelite, ka shkaktuar reagime të ashpra ndërkombëtare. Videoja tregon një skenar tronditës: shkatërrimin e xhamisë Al-Aksa në Jerusalem dhe ndërtimin e një tempulli hebre në vendin e saj – një përmbajtje që shumëkush e ka quajtur provokuese dhe nxitëse.
Xhamia Al-Aksa është një nga vendet më të shenjta për myslimanët dhe ndodhet në një nga zonat më të ndjeshme dhe të kontestuara në botë. Publikimi i kësaj videoje ka shkaktuar zemërim të madh në botën islame dhe më gjerë, duke u konsideruar si një përpjekje për të legjitimuar aspirata ekstreme dhe për të nxitur tensione fetare dhe politike në rajon.
Zyrtarë palestinezë dhe organizata të ndryshme ndërkombëtare për të drejtat e njeriut kanë dënuar videon, duke e cilësuar si “një akt propagande të rrezikshme” që mund të nxisë dhunë dhe përplasje të mëtejshme. Ata u kanë bërë thirrje autoriteteve ndërkombëtare të ndërhyjnë dhe të ndalojnë përhapjen e përmbajtjeve që minojnë status quo-në e vendeve të shenjta dhe përkeqësojnë konfliktin izraelito-palestinez.
Derisa përmbajtjet e gjeneruara nga AI po bëhen gjithnjë e më të pranishme, rasti në fjalë ngre shqetësime serioze për përdorimin e teknologjisë në përhapjen e ideve ekstremiste dhe manipulimin e opinionit publik. /mesazhi
