Mahdi al-Mashat, kreu i Këshillit të Lartë Politik të Houthive, deklaroi se së shpejti do të ketë “lajme të mira për avionët e armikut sionist të përfshirë në agresionin ndaj Jemenit”.
Në një intervistë për agjencinë shtetërore Houthi *Saba*, ai tha se njësitë e mbrojtjes ajrore të grupit “së shpejti do të kthejnë krenarinë e avionëve të armikut sionist në objekt talljeje”, pa dhënë më shumë detaje.
“Për sigurinë e navigimit ajror dhe detar në zonat e operacioneve të forcave tona të armatosura, kemi dhënë udhëzime që rrugët ajrore të përdorura nga armiku sionist për të sulmuar vendin tonë të shpallen zona të rrezikshme për të gjitha kompanitë ajrore.”
Al-Mashat theksoi se për sigurinë e tyre, linjat ajrore duhet të shmangin çdo rrugë fluturimi që përdoret nga Izraeli për të goditur Jemenin. /mesazhi
