Ismet Munishi do të jetë trajner i ri i Gjilanit.
Bylbyl Sokoli është larguar nga drejtimi i skuadrës pas rezultateve skandaloze që pas marrjes së drejtimit të klubit.
E vendin e tij duket se do ta zë trajneri i njohur kosovar, Ismet Munishi.
Ka qenë presidenti i SC Gjilanit, Florim Zuka që ka publikuar një fotografi nga takimi me Munishin.
“Ismet Munishi do ta drejtojë Gjilanin”, ka shkruar presidenti Zuka.
Munishi ka qenë këtë sezon trajner i Ballkanit, por që u shkarkua nga pozita në fund të stinorit vjeshtor.
Ish-trajneri i shumë skuadrave kosovare do të synojë që ta shpëtojë Gjilanin nga rënia dhe ta ndërtoj një skuadër të fortë për edicionin e ri.
