Zyra e Medias Asra në një njoftim tha se arrestimet u kryen në qytetet Nablus, Tulkarem, Jenin, Kudsin Lindor, Ramallah dhe Betlehem
Forcat e ushtrisë izraelite sot kanë arrestuar 21 palestinezë gjatë bastisjeve në të gjithë Bregun Perëndimor të pushtuar, transmeton Anadolu Agency (AA).
Zyra e Medias Asra në një njoftim tha se arrestimet u kryen në qytetet Nablus, Tulkarem, Jenin, Kudsin Lindor, Ramallah dhe Betlehem.
Gjysmëhëna e Kuqe Palestineze tha se një palestinez u plagos nga e shtëna me zjarr të vërtetë dhe 23 të tjerë pësuan thithje gazi në përleshjet që shpërthyen gjatë bastisjeve izraelite.
Ndërkohë, dy kolonë izraelitë u plagosën me armë zjarri gjatë një vizite në varrin e Jozefit në Nablus, për të cilin hebrenjtë besojnë se është vendi i varrimit të patriarkut biblik Jozef. Muslimanët, megjithatë, e kundërshtojnë pretendimin, duke thënë se një klerik musliman – sheikh Youssef Dawiqat – u varros në atë vend dy shekuj më parë.
Tensionet kanë qenë të larta në të gjithë Bregun Perëndimor në ditët e fundit mes bastisjeve të përsëritura izraelite në territorin e pushtuar.
Muajin e kaluar, të paktën 23 palestinezë dhe 14 izraelitë u vranë në sulme në Bregun Perëndimor dhe Izrael. /aa
