Izraeli, projektligj për mbledhjen e të dhënave personale të të gjithë pasagjerëve ajrorë

The departure hall at the Ben Gurion International Airport on August 16, 2020. Photo by Avshalom Sassoni/Flash90 *** Local Caption *** וירוס קורונה מגפה סין שדה תעופה מסכות מסכה מגיעים

Qeveria e Tel Avivit ka përgatitur një projektligj që përmes kompanive ajrore do të ketë mundësi për të hyrë në informacionet personale të pasagjerëve që mbërrijnë ose largohen nga Izraeli, transmeton Anadolu Agency (AA).

Në lajmin e gazetës “Times of Israel”, thuhet se projektligji parashikon që të gjitha linjat ajrore të ndajnë informacione personale me qeverinë e Tel Avivit për pasagjerët që vijnë ose shkojnë nga Izraeli, si kartelën e tyre kreditore, adresat e faturimit dhe ku tjetër mund të udhëtojë.

Gjithashtu thuhet se projektligji, i cili është përgatitur prej shumë vitesh dhe është në përfundim, fillimisht u vendos në rend dite për shkak të “shqetësimeve terroriste”, por u bë edhe më “urgjent” me pandeminë e COVID-19.

Më tej thuhet se nëse projektligji, i cili ende nuk është miratuar nga qeveria do të paraqitet për votim në Parlament ku pritet të hasë në kundërshtime të forta nga ana e deputetëve.

Poashtu theksohet se nëse projektligji miratohet, do të krijohet një bazë të dhënash për secilin prej pasagjerëve që vjen ose shkon nga Izraeli.

Baza e të dhënave në fjalë do të përmbajë informacione të tilla si emri i pasagjerit, numri i pasaportës, kartela kreditore, adresa e faturimit dhe ku tjetër mund të udhëtojë si dhe informacione të tilla si sa bagazhe ka dorëzuar, me sa bagazh dore ka hipur dhe ku është ulur në avion. /aa