Në oborrin e shkollës së dikurshme në Kanada të ndjekur nga fëmijët e popullatës indigjene, janë gjetur varreza të reja në të cilat ndodhen qindra mbetje mortore, transmeton Anadolu Agency (AA).
Federata Sovrane Autoktone e Kombeve të Para (FSIN), organizata ombrellë e banorëve indigjenë në Saskatchewan thekson se në shkollën e dikurshme të popullatës indigjene janë gjetur varreza masive me mbetje mortore të fëmijëve.
Ende nuk dihet numri i saktë i mbetjeve mortore.
Sipas të dhënave zyrtare kanadeze, shkolla me konvikt funksionoi nga viti 1899 deri në vitin 1997 në rajonin Cowessess, rreth 140 kilometra në lindje të kryeqytetit provincial Regina.
Varrezat e reja u zbuluan nga radarët skanues të sipërfaqeve të nisur në 139 shkolla në të gjithë vendin, pasi në fund të majit u gjetën eshtrat e 215 fëmijëve, disa madje 3-vjeç, të varrosura në vendin e një shkolle të dikurshme të fëmijëve indigjenë në Kamloops të Kanadasë.
Kreu i Asamblesë kanadeze të kombeve të para Perry Bellegarde deklaroi se lajmi për zbulimin e qindra varrezave anonime është tragjike, por jo edhe befasues.
Ai u bëri thirrje kanadezëve të qëndrojnë pranë tyre në këtë kohë jashtëzakonisht të vështirë dhe emocionuese.
Shkollat drejtoheshin kryesisht nga kishat krishtere në emër të qeverisë së shtetit, nga vitet 1840 deri në vitet e ’90-ta.
E para nga shkollat me konvikt të kishës, e cila është një nga faqet më të dhimbshme në historinë kanadeze, përshkruhet gjithashtu si një vend ku u abuzuan një numër i madh i fëmijëve. Ato u hapën në fillim të viteve 1880 dhe e fundit u mbyll në 1996.
Në shkollat me konvikt të kishave, ku u morën me forcë më shumë se 150 mijë fëmijë vendas nga familjet e tyre dhe u vendosën në to, shumica e këtyre fëmijëve ishin të ekspozuar ndaj dhunës fizike, seksuale dhe psikologjike.
Qeveria federale kanadeze zyrtarisht u kërkoi falje viktimave në vitin 2008 për atë që ndodhi në shkollat me konvikt të kishës, ku mijëra fëmijë vdiqën nga uria, ftohja dhe eksperimentet mjekësore. /aa
