Kryeministri kanadez Mark Carney ka kërkuar nga Izraeli të lejojë Programin Botëror të Ushqimit (WFP) të rifillojë operacionet në Gaza, vetëm disa orë pasi agjencia e OKB-së njoftoi se ka mbetur pa rezerva për shkak të bllokadës shtatë-javore.
“Të përdorësh ushqimin si mjet politik është e papranueshme,” shkroi Carney në platformën X. “Civilët palestinezë nuk duhet të vuajnë për pasojat e krimeve terroriste të Hamasit.”
Ai theksoi se WFP duhet të lejohet të vazhdojë punën e saj jetike në Gaza, ku kuzhinat humanitare janë në prag të mbylljes për mungesë të furnizimeve.
