Organizata Mjekët pa Kufij (MSF) shpëtoi pothuajse 70 migrantë në pjesën qendrore të Detit Mesdhe gjatë një operacioni tjetër gjatë natës.
Ekuipazhi i anijes “Geo Barents” ka mbi 360 migrantë të shpëtuar në bord, njoftoi sot MSF.
Ndërkohë, ekipi i një anijeje tjetër, “Mare Jonio” tha se kishte kërkuar një port të sigurt nga autoritetet në Itali. Anija e shpëtimtarëve civilë të “Mediterranea Saving Humans” kishte në bord pothuajse 210 migrantë të shpëtuar.
Refugjatët dhe migrantët kryesisht shkojnë drejt Italisë sepse duan të hyjnë në vendet e Bashkimit Evropian.
Nga brigjet e Afrikës së Veriut, një destinacion i zgjedhur shpesh është ishulli i vogël italian i Lampedusa, i cili shtrihet midis Tunizisë dhe Siçilisë.
Rreth 300 migrantë mbërritën sot në Lampedusa dhe u dërguan në bord nga roja bregdetare e Italisë, njoftoi agjencia e lajmeve “Adnkronos”. /atsh
