Në Ditën e Çlirimit, e cila përkujton fitoren ndaj fashizmit dhe fundin e pushtimit gjerman në Itali, aktivistja dhe raportuesja speciale e OKB-së për të drejtat e njeriut në territoret palestineze, Francesca Albanese, mbajti një fjalim të fuqishëm në Romë, duke tërhequr vëmendjen mbi luftën për çlirim të popullit palestinez.
Ajo e krahasoi rezistencën historike të popullit italian me përpjekjet aktuale të palestinezëve për të përballuar pushtimin, aparteidin dhe gjenocidin. “Dita e Çlirimit na kujton se liria nuk është e garantuar – ajo duhet kërkuar dhe mbrojtur. Ashtu siç e kërkoi Italia, sot e kërkon edhe Palestina,” u shpreh Albanese.
Fjalimi i saj u mirëprit nga të pranishmit, shumë prej të cilëve mbanin pankarta me mesazhe solidariteti dhe kërkesa për drejtësi ndërkombëtare.
