Shumë universitete amerikane janë duke u përballur me kampe Pro Palestineze që kërkojnë nga ata të distancohen nga Izraeli edhe pse shumë prej tyre u shpërndanë brutalisht dhe u arrestuan nga policia ditëve të fundit.
Dy autokolona jordaneze me ndihma që transportonin ushqime, miell dhe ndihma humanitare janë sulmuar nga kolonët izraelitë në rrugën e tyre për në Gaza, raporton agjencia shtetërore e lajmeve Petra e Jordanisë.
Një kolonë ndihmash prej 31 kamionësh ka hyrë në Gazën veriore përmes vendkalimit Beit Hanoon, i quajtur kalimi “Erez” në Izrael, për herë të parë që nga 7 tetori. Por UNOCHA thotë se pothuajse 40 për qind e misioneve të saj të ndihmës në Gazën veriore, ku nevojat janë më urgjente, ende mohohen ose pengohen nga ushtria izraelite.
Një zyrtar i lartë i Hamasit ka thënë se grupi do të japë një përgjigje të qartë ndaj propozimit të armëpushimit të Izraelit “brenda një periudhe shumë të shkurtër”, raporton agjencia e lajmeve AFP.
Dhoma e Përfaqësuesve e SHBA-së ka miratuar një projekt-ligj që zgjeron përkufizimin e antisemitizmit për të përfshirë “shënjestrimin e shtetit të Izraelit, i konceptuar si një kolektivitet hebre”.
