Një parashutist ka mbetur i vdekur në vend dhe një tjetër është në gjendje kritike, kur parashuta u kap në një kabllo dhe me pas u përplasën në asfalt.
Ngjarja e tmerrshme ka ndodhur në pjesën veriore të Turqisë, ku erërat e forta bënë që parashuta e parashutistit që punonte si instruktorë dhe që kishte të lidhur me litar një person tjetër që po hidhej për herë të parë, të përfundojnë në kabllo dhe të bien në asfalt, transmeton Telegrafi.
Sipas mediave lokale, instruktori Huseyin Ilhan ka vdekur nga plagët e marra në kokë, derisa parashutisti tjetër Even Salci është ende në gjendje kritike.
Incidenti është filmuar nga një kalimtar rasti ku shihet se si parashutistët ngecin në një kabllo dhe më pas bien në tokë. Edhe pse u dërguan me urgjencë në spitalin Ordy, Ilham është shpallur i vdekur e gjendja shëndetësore e Salci vazhdon të mbetet kritike.
Sipas mediave lokale, Ilhan më herë ishte përfshirë në dy incidente tjera me parashutë. /Telegrafi/
