Koalicioni i udhëhequr nga Saudia kryen sulme të reja ajrore kundër grupit të lidhur me Iranin midis përshkallëzimit të luftimeve në Marib të Jemenit.
Koalicioni i udhëhequr nga Sauditët duke luftuar rebelët Houthi të Jemenit goditën objektivat ushtarakë që i përkisnin lëvizjes së lidhur me Iranin në kryeqytetin, Sanaa, në orët e para të së dielës, thanë banorët.
Sulmet vijnë pasi Houthit morën përgjegjësinë për sulmet me dronë mbi një rafineri nafte në kryeqytetin Saudit, Riad, të premten, e cila shkaktoi një zjarr që pastaj u vu nën kontroll.
Të shtunën, koalicioni tha se kapi dhe shkatërroi një dron të ngarkuar me eksploziv të nisur drejt qytetit Khamis Mushait në Arabinë Saudite.
Banorët në Sanaa i thanë agjencisë së lajmeve Reuters se aeroplanët luftarakë të koalicionit bombarduan zonat ku strehoheshin kampet ushtarake Houthi në Sanaan jugore dhe një vend prodhimi ushtarak në veri të qytetit.
Televizioni Al Masirah i drejtuar nga Houthit gjithashtu raportoi sulmet ajrore të koalicionit në kryeqytet, përfshirë aeroportin e Sanaas.
Rebelët, javeve të fundit kanë shtuar sulmet brenda Arabisë Saudite, eksportuesi më i madh i naftës në botë. Arabia Saudite thotë se i kap shumicën e dronëve dhe raketave që Houthit lëshojnë në aeroporte, baza ajrore dhe infrastrukturë energjetike, por disa shkaktojnë dëme.
Koalicioni i udhëhequr nga Sauditët është duke luftuar Houthit që nga marsi 2015, muaj pasi grupi kapi kryeqytetin e Jemenit, Sanaa. Situata është pa përmirësim që nga ajo kohë, me Arabinë Saudite që përballet me kritika ndërkombëtare për sulmet e saj pa kriter.
Kombet e Bashkuara e kanë përshkruar situatën në Jemen si katastrofën më të keqe humanitare në botë me uri masive, sëmundje dhe varfëri, shkaktuar kryesisht nga lufta. Konflikti ka vrarë rreth 130,000 njerëz – përfshirë më shumë se 12,000 civilë.
Në përpjekjet e rieja diplomatike për t’i dhënë fund luftës, Kombet e Bashkuara dhe Shtetet e Bashkuara kanë nxitur Houthit – të cilët gjithashtu po bëjnë presion për një ofensivë kundër qytetit të mbajtur nga qeveria Marib në Jemen – të kthehen në negociata sesa në përshkallëzimin ushtarak./Mesazhi.com
