Sipas të dhënave nga ‘USASpending.gov’, SHBA-ja në 15 vitet e fundit ka ndarë mbi 270 milionë dollarë Institutit të Menaxhimit Lindje-Perëndim, përkatësisht organizatës partnere me Fondacionet e Shoqërisë së Hapur të George Sorosit, transmeton Anadolu.
Sipas të dhënave, 90 milionë dollarë të tjera i janë detyruar institucionit për disa kontrata.
Ky zbulim vjen mes shqyrtimit në rritje të ndihmës së SHBA-së për institucionet e diskutueshme dhe ngrirjes së fundit të presidentit Donald Trump mbi buxhetin e Agjencisë së SHBA-së për Zhvillim Ndërkombëtar (USAID).
Instituti e përshkruan misionin e tij si “forcim të shoqërive demokratike duke nxitur bashkëpunimin midis qeverive, shoqërisë civile dhe sektorit privat ose për të ndërtuar institucione transparente dhe të përgjegjshme”.
Sipas raporteve të institutit, financimi i saj vjen kryesisht nga USAID dhe Departamenti i Shtetit i SHBA-së. Programet përfshijnë reformën gjyqësore, ndihmën ligjore dhe iniciativat për sundimin e ligjit në vende si Shqipëria, Armenia, Kamboxhia dhe Gjeorgjia, si dhe trajnime të shoqërisë civile në vende si Kirgistani dhe Uganda.
Qendra e Veprimit Kundër Korrupsionit, një tjetër entitet i mbështetur nga Soros, gjithashtu rendit USAID-in si donatorin e saj më të madh, duke siguruar 20,7 për qind të financimit të saj.
Financimi ka ngjallur reagime, me kritikët që akuzojnë USAID-in se po vepron si përfitues personal i Sorosit, i cili njihet për rolin e tij në rënien e Bllokut Lindor dhe ndërhyrjen e supozuar në punët e brendshme.
Më 20 janar, Shtëpia e Bardhë njoftoi një ngrirje 90-ditore të buxhetit të USAID-it, duke e përmendur si prioritet të gabuar me politikën “Amerika e para” të presidentit Trump.
Shtëpia e Bardhë pohoi se nismat e USAID-it “nuk përputhen me interesat amerikane” dhe ndonjëherë “destabilizojnë paqen botërore”.
Lëvizja ka ngjallur shqetësime midis organizatave globale të ndihmës që mbështeten në përkrahjen e SHBA-së.
