Ministria e Brendshme e Sirisë akuzoi të martën grupin terrorist YPG/SDF për lirimin e të burgosurve të ISIS-it (DAESH) dhe familjeve të tyre nga burgjet dhe tërheqjen nga ruajtja e kampit Al-Hol në lindje të provincës Hasakah pa koordinim me qeverinë ose koalicionin ndërkombëtar të udhëhequr nga SHBA-të, transmeton Anadolu.
Në një deklaratë, ministria tha se pas marrëveshjes së fundit të armëpushimit midis qeverisë siriane dhe SDF-së, grupi “liroi një numër të burgosurish nga organizata terroriste ISIS dhe familjet e tyre nga qendrat e paraburgimit”.
“Sot, anëtarët e saj të caktuar për të ruajtur kampin Al-Hol në lindje të provincës Hasakah u tërhoqën pa asnjë koordinim me qeverinë siriane ose koalicionin ndërkombëtar, në një veprim që synon të ushtrojë presion mbi qeverinë përmes dosjes kundër terrorizmit”, shtoi ajo.
Kampi Al-Hol, i vendosur në Sirinë verilindore, strehon dhjetëra mijëra njerëz, përfshirë familje të anëtarëve të dyshuar të ISIS-it, si dhe sirianë të zhvendosur dhe shtetas të huaj.
