Pesë marrëveshjet ndërkombëtare financiare sërish nuk kanë kaluar në Kuvendin e Kosovës, pasi nuk ka pasur kuorum.
75 deputetë kanë votuar pro pesë marrëveshjeve ndërkombëtare financiare, mirëpo këto vota nuk kanë qenë të mjaftueshme për miratimin e këtyre marrëveshje.
Edhe pse kryetarja e Kuvendi, Vjosa Osmani në fillim të seancës tha se në sall janë 83 deputetë, në votim kanë qenë vetëm 75 deputetë.
Siç duhet, për miratimin e marrëveshjeve ndërkombëtare duhen 80 vota të deputeteve të Kuvendit.
Kryetarja e Kuvendit, Vjosa Osmani ka thënë se këto marrëveshje do të shtyhen për seancën e radhës.
Në rend dite ishin këto marrëveshje:
Votimi i Projektligjit për ratifikimin e Marrëveshjes për financim ndërmjet Republikës së Kosovës dhe Asociacionit Ndërkombëtar për Zhvillim për Projektin e Fuqizimit të Sektorit Financiar,
Shqyrtimi i Projektligjit për ratifikimin e Marrëveshjes për Hua ndërmjet Republikës së Kosovës dhe Bankës Evropiane për Rindërtim dhe Zhvillim për Projektin e Zhvillimit të Ujërave të Zeza në Gjilan,
Shqyrtimi i Projektligjit për ratifikimin e Marrëveshjes për Financimin e Projektit për Kadastër të Patundshmërisë dhe Infrastrukturë Gjeohapësinore ndërmjet Republikës së Kosovës dhe Asociacionit Ndërkombëtar për Zhvillim,
Shqyrtimi i Projektligjit për ratifikimin e Marrëveshjes ndërmjet Bashkimit Evropian dhe Republikës së Kosovës mbi pjesëmarrjen e Kosovës në Programin e Bashkimit “Dogana 2020”,
Shqyrtimi i Projektligjit për ratifikimin e Marrëveshjes ndërmjet Bashkimit Evropian dhe Republikës së Kosovës mbi pjesëmarrjen e Kosovës në Programin e Bashkimit “Fiskalis 2020”.