Sipas një raporti të Organizatës së Kombeve të Bashkuara të botuar të mërkurën, një numër në rritje i të rinjve në Bosnje dhe Hercegovinë po mendojnë të largohen nga vendi për të mos u kthyer më.
Anketa nga Fondi i Kombeve të Bashkuara për Popullsinë (UNFPA) intervistoi 5,000 të rinj në fillim të këtij viti.
Kjo anketë zbuloi se gati gjysma (47 përqind) kishin menduar të emigronin, dhe pothuajse një e katërta (24 përqind) po mendonin të largoheshin përgjithmonë.
Vendi ka një traditë të gjatë emigrimi, i cili është intensifikuar gjatë tre dekadave të fundit pas konfliktit në vitet 1990, thotë raporti.
“Përshtypja e përgjithshme është se struktura e popullsisë migruese po ndryshon dhe se gjithnjë e më shumë të rinj po mendojnë për migrimin e jashtëm dhe largimin pa asnjë synim për t’u kthyer, gjë që ka një ndikim të jashtëzakonshëm në tendencat dhe zhvillimin social, ekonomik dhe demografik. përfundon raporti.
Bazuar në rezultatet, vlerëson se midis 22 mijë e 300 dhe 23 mijë e 700 persona nga 18 deri në 29 vjeç do të largohen nga vendi ose përkohësisht ose përgjithmonë gjatë 12 muajve të ardhshëm.
Arsyet e eksodit shkojnë përtej dëshirës së zakonshme për të kërkuar perspektiva më të mira ekonomike, standarde jetese dhe cilësi të jetës, thotë UNFPA teksa përmendet edhe një nivel i ulët besimi midis të rinjve në institucionet publike.
“Më shumë se 70 përqind e të rinjve besojnë se shoqëria e Bosnje dhe Hercegovinës është e korruptuar sistematikisht,” thotë sondazhi. “Këto gjetje nënkuptojnë se të rinjtë nuk besojnë se institucionet publike pasi kujdesen për interesat e tyre”.
Një kombinim faktorësh, nga “mungesa e ndjenjës së stabilitetit të përgjithshëm” te “nevojat e paplotësuara për siguri”, do të thotë se aspiratat dhe sjellja e migracionit në Bosnje janë “të nxitura nga nevoja dhe jo nga një zgjedhje”.
Raporti rekomandon reforma të mëtejshme “të rëndësishme” të sektorit publik, me politikat rinore që synojnë kalimin nga shkolla në punë, pasivitetin e të rinjve dhe varfërinë. Shërbimet publike duhet të bëhen më të disponueshme dhe më të qasshme, ndërkohë që nevojitet veprim për të rikthyer besimin e të rinjve te institucionet publike.
Sondazhi i OKB-së vjen në mes të krizës më të keqe politike të vendit ballkanik që kur një marrëveshje paqeje e ndërmjetësuar nga SHBA i dha fund më shumë se tre vjet e gjysmë gjakderdhjeje në 1995.
Marrëveshja e ndau Bosnjën në dy rajone – Republika Srpska e drejtuar nga serbët dhe Federata Boshnjako-Kroate – të cilave iu dha autonomi e gjerë, por mbeten të lidhura nga disa institucione të përbashkëta.
Serbët kanë mbrojtur prej kohësh pavarësinë nga pjesa tjetër e Bosnjës. Udhëheqësi i tyre, Milorad Dodik, u zotua kohët e fundit se rajoni serb i Bosnjës do të deklaronte krijimin e ushtrisë dhe gjyqësorit të vet deri në fund të nëntorit.
Qëndrimi i serbëve ka çuar në alarmin në Perëndim se Bosnja mund të jetë në rrezik të shpërbërjes. /klankosova
