Të paktën 19 civilë, përfshirë tre fëmijë, janë vrarë në Jemen gjatë dy muajve të fundit, pavarësisht armëpushimit mbarëkombëtar, tha një zyrtar i OKB-së.
Armëpushimi ishte i pari në luftimet e konfliktit gjashtë vjetor. Të enjten, palët ndërluftuese të Jemenit vendosën të rinovojnë armëpushimin edhe për dy muaj të tjerë.
Liz Throssell, zëdhënëse e Komisionerit të Lartë të OKB-së për të Drejtat e Njeriut, u tha gazetarëve në Gjenevë se shumica e vdekjeve të regjistruara që kur armëpushimi hyri në fuqi në fillim të prillit ishin nga minat tokësore, “duke përfshirë minat e improvizuara dhe mbetjet e eksplozivëve të luftës. ”
Në një deklaratë, Këshilli i Sigurimit i OKB-së përshëndeti zgjatjen e armëpushimit në Jemen dhe “shprehu shpresën se një armëpushim i forcuar mund të përkthehet në një armëpushim të qëndrueshëm dhe një zgjidhje politike gjithëpërfshirëse, nën kujdesin e OKB-së”. “Shqetësimi i tyre i thellë” ishte për rrezikun nga uria në Jemen dhe u kërkua që donatorët të financojnë apelin humanitar të OKB-së, thuhet në deklaratë. /mesazhi
