Ndërsa vëmendja globale mbetet e fokusuar te lufta në Iran, forcat e Izraelit po vazhdojnë sulmet në Rripin e Gazës.
Sipas Agjencisë palestineze të lajmeve Wafa, një burrë palestinez u vra dhe disa të tjerë u plagosën pasi një automjet civil u godit në hyrje të kampit të refugjatëve Maghazi. Të plagosurit u dërguan për trajtim në Spitali Al-Aqsa Martyrs në Deir el-Balah.
Në një sulm të veçantë, dy persona të tjerë u vranë nga një goditje ajrore izraelite në një lagje në lindje të Qytetit të Gazës.
Sipas burimeve palestineze, numri i të vrarëve nga sulmet izraelite që nga i ashtuquajturi armëpushim i vitit të kaluar ka arritur në 709, ndërsa të paktën 1,928 persona janë plagosur.
Që nga tetori i vitit 2023, numri total i palestinezëve të vrarë ka shkuar në 72,291, shumë prej tyre gra dhe fëmijë, sipas Wafa. /mesazhi
