Presidenti i Shteteve të Bashkuara, Donald Trump, ka lëshuar një kërcënim të ashpër ndaj Hamasit dhe popullit të Gazës, duke kërkuar lirimin e të gjithë pengjeve izraelite që mbahen në këtë territor.
Në një postim në rrjetet sociale të mërkurën, Trump paralajmëroi se do të kishte “ferr për të paguar” nëse pengjet nuk lirohen menjëherë.
“Ky është paralajmërimi juaj i fundit! Për udhëheqjen, tani është koha të largoheni nga Gaza, ndërsa ende keni një shans,” shkroi ai.
“Ata që mbajnë pengje nuk do të kenë të ardhme. Nëse e bëni, jeni të vdekur! Merrni një vendim të mençur,” shtoi presidenti amerikan.
Këto deklarata erdhën pak orë pasi Shtëpia e Bardhë konfirmoi se SHBA-ja është në bisedime me Hamasin.
Trump ka bërë thirrje për zhvendosjen e detyruar të gjithë popullsisë së Gazës dhe për një kontroll amerikan mbi këtë territor palestinez. Ende nuk është e qartë se si do të përshtatej premtimi i tij për një “të ardhme të bukur” për Gazën me këtë plan të diskutueshëm. /mesazhi
