Udhëheqësi i Koresë së Veriut, Kim Jong Un ka thënë se testet e raketave të kryera nga vendi janë “të nevojshme” pas “krizës së fundit gjeopolitike dhe ngjarjeve të ndërlikuara ndërkombëtare”, transmeton Anadolu.
Kim bëri komentet pasi Pheniani të dielën lëshoi raketa hipersonike nga distrikti Ryokpho i Bashkisë së Pyongyangut, në drejtimin verilindor, duke goditur objektiva në 1.000 kilometra larg, raportoi KCNA.
Komentet e udhëheqësit të Koresë së Veriut erdhën pasi SHBA-ja kreu sulm para agimit në Venezuelë të shtunën, duke kapur presidentin e saj dhe zonjën e parë, të cilët më vonë u transportuan me aeroplan në New York.
Kim tha se lëshimi i raketës konfirmoi se “është kryer detyrë shumë e rëndësishme teknologjike për mbrojtjen kombëtare” dhe “tregoi gatishmërinë e forcave bërthamore të DPRK-së (Koresë së Veriut)”.
“Kohët e fundit janë bërë arritje të rëndësishme në vendosjen e forcave tona bërthamore në një bazë praktike dhe përgatitjen e tyre për një luftë të vërtetë”, shtoi ai duke vënë në dukje se Koreja e Veriut “duhet të përmirësojë vazhdimisht mjetet ushtarake, veçanërisht sistemet e armëve sulmuese”.
“Arsyeja pse është e nevojshme ilustrohet nga kriza e fundit gjeopolitike dhe ngjarjet e ndërlikuara ndërkombëtare”, theksoi ai.
