Zëvendëspresidenti i SHBA-së, JD Vance, ka shprehur mbështetje të plotë për presidentin Trump në qëndrimin e tij kundër pasurimit të uraniumit nga Irani, duke theksuar se mund të merren veprime të mëtejshme për ta ndalur këtë proces.
Në një postim në rrjetet sociale, Vance tha se Trump “e ka fituar besimin” në menaxhimin e çështjes iraniane dhe vlerësoi përmbajtjen e tij për të shmangur përfshirjen ushtarake të drejtpërdrejtë.
“Presidenti ka treguar përmbajtje të jashtëzakonshme duke e mbajtur ushtrinë tonë të fokusuar në mbrojtjen e trupave dhe qytetarëve tanë,” shkroi ai. “Ai mund të vendosë të ndërmarrë hapa të tjerë për të ndalur pasurimin e uraniumit nga Irani. Ky vendim i takon në fund presidentit.”
Vance shtoi se shqetësimet për përfshirjen në konflikte të huaja janë të kuptueshme, duke përmendur “25 vitet e fundit të një politike të jashtme idiote.” /mesazhi
