Mekë: Presidenca e Përgjithshme për Çështjet e Dy Xhamive të Shenjta të martën rriti kapacitetin funksional të Xhamisë së Madhe (Mesxhid Al Haram), me mbi 60% për Ramazan.
Sipas udhëzimeve të reja, duke filluar nga 1 Ramazani 1442 (13 Prill 2021), numri maksimal i pelegrinëve që mund të kryejnë Umren çdo ditë do të rritet në 50,000 një rritje prej 30,000 dhe numri i adhuruesve që marrin pjesë në namazet ditore është rritur nga 60,000 në 100,000, një rritje prej 40,000 adhuruesish.
Për më tepër, masat paraprake janë forcuar për të luftuar përhapjen e COVID-19 duke obliguar vaksinën kundër COVID-19 si një kërkesë paraprake për të marrë lejen për Umre ose për të marrë pjesë në Namazet në Xhaminë e Madhe.
Umre (Arabisht: عُمرَة) është pelegrinazh i muslimanëve në Mekë. Muslimanët mund ta bëjnë umren në çdo kohë, në dallim me Haxhillëkun e cila bëhet në një kohë të caktuar. / Mesazhi.com
