Tetë anëtarë të Gardës Revolucionare të Iranit (IRGC) janë vrarë gjatë protestave të së enjtes në qytetin perëndimor Kermanshah, transmeton Anadolu.
Lajmi për vrasjen e anëtarëve të forcës IRGC u publikua nga Al Jazeera në platformën sociale të kompanisë amerikane X, duke cituar agjencinë Fars News.
Irani është tronditur nga valë protestash që nga muaji i kaluar, të cilat nisën më 28 dhjetor në Pazarin e Madh të Teheranit, për shkak të rënies së fuqishme të rialit iranian dhe përkeqësimit të kushteve ekonomike.
Demonstratat më pas u përhapën në disa qytete të tjera.
Sipas monitoruesit të internetit NetBlocks, deri sot vendi ka qenë jashtë linje për 24 orë “që kur Irani zbatoi një ndërprerje kombëtare të internetit, me lidhjen që ra në 1 për qind të niveleve normale”.
